Депутаты Александр Сонгин и Эльвира Сороко поздравляют с Днем единения народов Беларуси и России

Паважаныя жыхары Карэліччыны!

Прыміце шчырыя віншаванні з дзяржаўным святам — Днём яднання народаў Беларусі і Расіі! Гэтае свята — знамянальная дата ў нашай агульнай гісторыі, яркі сімвал нашага братэрства. На працягу ўсяго гэтага шляху мы нязменна адчувалі агульнасць мінулага, сучаснасці і будучыні двух нашых народаў.

Інтэграцыйныя памкненні беларусаў і расіян заснаваны на непарушным шматгадовым сяброўстве і згуртаванасці народаў, загартаваных на франтах Вялікай Айчыннай вайны. Сумеснымі намаганнямі мы беражліва захоўваем і перадаем нашчадкам памяць аб вялікіх здзяйсненнях пакалення пераможцаў. Разам імкнемся супрацьстаяць  прадпрымаемым у апошні час спробам фальсіфікацыі гісторыі і прыніжэння значнасці іх беспрэцэдэнтнага подзвігу.

Гісторыя неаднаразова даказвала — толькі разам мы здольныя годна адказаць на любыя выклікі і пагрозы. Сёння, калі міжнародная супольнасць перажывае складаны час канфліктаў і крызісаў, наша адзінства мае  асаблівую каштоўнасць.

У гэты святочны дзень жадаем моцнага здароўя, міру, згоды, дабрабыту і працвітання вам і вашым сем’ям.

Эльвіра САРОКА,

 член Савета Рэспублікі Нацыянальнага сходу  Рэспублікі Беларусь

Аляксандр СОНГІН,

 дэпутат Палаты прадстаўнікоў Нацыянальнага сходу Рэспублікі Беларусь