В Кореличском районе работали технические инспекторы труда ФПБ

Тэхнічныя інспектары працы пры Гродзенскім абласным аб’яднанні прафсаюзаў у рамках маніторынгу па кантролі за станам аховы працы наведалі прадпрыемствы і арганізацыі Карэліччыны.

У Карэліцкім маладзёжным цэнтры культуры былі падведзены вынікі.

 

Адкрыў сустрэчу кіраўнік групы, галоўны тэхнічны інспектар працы Гродзенскай абласной арганізацыі Беларускага прафсаюза работнікаў гандлю, спажывецкай кааперацыі і прадпрымальніцтва Дзмітрый Баброўскі. Падчас рэйду ён наведаў Карэліцкае раённае ўнітарнае прадпрыемства жыллёва-камунальнай гаспадаркі  і даў станоўчую адзнаку ўбачанаму. Разам з тым  звярнуў увагу прысутных на работу інспектараў і склад камісій па пытаннях аховы працы, укамплектаванне медыцынскіх аптэчак лекамі і іншыя пытанні.

Сваімі меркаваннямі падзяліліся і астатнія ўдзельнікі маніторынгу. Яны адзначылі, што пытанням ховы працы на Карэліччыне надаецца належная ўвага. Асаблівых слоў удзячнасці заслугоўваюць дзяржаўныя ўстановы адукацыі «Лукская сярэдняя школа» і «Лукскі дзіцячы сад Карэліцкага раёна», установа аховы здароўя «Карэліцкая цэнтральная раённая бальніца», унітарнае камунальнае прадпрыемства бытавога абслугоўвання насельніцтва. У астатніх правераных арганізацыях і сельскагаспадарчых прадпрыемствах раёна выяўлены нязначныя недахопы, якія былі ліквадаваны ў дзень праверкі і будуць выпраўлены ў бліжэйшы час.

Старшыня райкама прафсаюза работнікаў аграпрамысловага комплексу Ірына Пянькоўская падзякавала ўдзельнікам абласной рэйдавай групы за дакладную работу падчас правядзення маніторынгу  і рэкамендацыі па пытаннях аховы працы.

Галіна СМАЛЯНКА

Фота Кацярыны КУКАНАВАЙ