На планерке у председателя: месячник по наведению порядка на земле, экспорт продукции и ремонт жилфонда

У Карэліцкім раёне працягваецца месячнік па навядзенні парадку на зямлі. Пра тое, што ўжо зроблена, старшыні Карэліцкага райвыканкама Генадзію Шатуеву паведамілі на штотыднёвай аператыўнай нарадзе.

Паводле слоў старшыні раённага Савета дэпутатаў Аляксандра Шкадава, 35 могілак ачышчаны ад сезоннага і рытуальнага смецця, і гэта работа будзе прадоўжана. Праводзіцца маніторынг санітарнага стану прыватных прыдамавых тэрыторый. За тыдзень уладальнікам дамоў выдадзена 72 прадпісанні з рэкамендацыямі навесці парадак. На мінулым тыдні адбылося 22 сельскія сходы, на якіх вяскоўцам нагадалі аб правілах пажарнай бяспекі і выслухалі іх праблемы. Большасць пытанняў, адрасаваных мясцовай выканаўчай уладзе, датычыцца асвятлення населеных пунктаў. Усе яны аператыўна рашаюцца. Працягваецца работа па зносе старых і пустуючых дамоў. У бягучым годзе будзе знесена некалькі безгаспадарчых будынкаў на тэрыторыі Мірскага сельсавета, і запланаваная на 2023 год работа будзе завершана.

Намеснік старшыні райвыканкама Ігар Лазарэвіч паведаміў аб рабоце прамысловага сектара раёна. Так, ААТ «Карэлічы-Лён» пачало экспарт кароткага льновалакна ў Кітай і Расію, ТАА «НВП Ніка» — насеннай бульбы ў Кыргызстан.

Па словах намесніка старшыні Аляксандра Быліча, у раёне завяршаецца рамонт дахаў шматкватэрных жылых дамоў. Работы праведзены на 9 аб’ектах, неўзабаве пачнецца рамонт дахаў на дамах па вул. Гагарына, 24б і Гастэлы, 17б у райцэнтры.

Іна ЛЕЙКА