В поселке Мир заасфальтировали одну из главных улиц — улицу Мира

На вуліцы Міра ў г.п. Мір шляхам суцэльнага асфальтавання з’явілася 3225 кв. м новага дарожнага палатна.

Стараліся для людзей, прыкладваючы ўвесь свой прафесіяналізм, работнікі Карэліцкага ДРБУ № 158. Дарэчы, мінулы год для работнікаў  гэтай арганізацыі быў вельмі напружаны: імі адрамантавана  і здадзена ў эксплуатацыю 25,7 км дарог. У новы асфальт апрануліся   шэсць вуліц у Турцы,  тры — у Палужжы, тры — у Луках, па дзве — у Малюшычах і  Цырыне,  адна  ў Ярэмічах.

Жыхарка вул. Міра ў г.п. Мір Алена Пуцята  падзялілася:

— Я жыву і працую ў   пасёлку, таму вельмі рада такой падзеі.   Выдатна, прыгожа, вачэй не адарваць. Добрыя дарогі — гэта ж не толькі прыгажосць і зручнасць, але яшчэ і бяспека.  Радуе  і той факт, што  ў нашай краіне пытанне якасці дарог знаходзіцца ўвесь час на кантролі Кіраўніка дзяржавы.

Кацярына КУКАНАВА

Фота Іны ЛЕЙКІ