Дэпутаты Аляксандр Сонгін і Эльвіра Сарока дасылаюць віншаванні са светлым святам Уваскрэсення Хрыстова

Паважаныя карэліччане!

Прыміце самыя цёплыя віншаванні са светлым святам Уваскрэсення Хрыстова — Святым Вялікаднем!

Велікодныя ўрачыстасці заўсёды нясуць у сабе надзею на лепшае. У гэтае свята становіцца асабліва ясна, як важныя для нас духоўныя і сямейныя каштоўнасці, памяркоўнасць і паразуменне, чысціня нашых намераў.

Святы Вялікдзень займае асаблівае месца ў духоўным жыцці людзей. Маючы старажытныя культурныя традыцыі, гэтае свята аб‘ядноўвае мільёны вернікаў па ўсім свеце, адыгрывае вялікую ролю ва ўмацаванні згуртаванасці людзей, незалежна ад расы, нацыянальнасці, мовы і адносін да рэлігіі.

Дарагія сябры, віншуем вас з вялікім святам Вялікадня! У гэты дзень хочам пажадаць вам любові і ўзаемаразумення. Хай у вашым жыцці будзе больш добрых падзей, станоўчых эмоцый і яркіх уражанняў!

Эльвіра САРОКА,

член Савета Рэспублікі Нацыянальнага сходу Рэспублікі Беларусь

Аляксандр СОНГІН,

дэпутат Палаты прадстаўнікоў Нацыянальнага сходу Рэспублікі Беларусь