Начальник главного управления образования Гродненского облисполкома, делегат VII Всебелорусского народного собрания Руслан Абрамчик — специально для «Полымя»: «Инвестиции в образование — это вклад в будущее страны»

Без ведаў цяпер немагчыма жыць, таму што ўся эканоміка, і айчынная, і сусветная — гэта эканоміка ведаў. Толькі валодаючы ведамі, можна стаць адукаваным чалавекам і дасягнуць кар’ерных, прафесійных вышынь у жыцці, — адзначае начальнік галоўнага ўпраўлення адукацыі Гродзенскага аблвыканкама Руслан Абрамчык. — Таму адукацыя — адна з ключавых сфер, на якой засяроджана ўвага кіраўніцтва краіны — Прэзідэнта, урада, іншых органаў улады.

На Рэспубліканскім педагагічным савеце перад пачаткам новага навучальнага года Кіраўнік дзяржавы агучыў шмат важных пасылаў для педагагічнай грамадскасці. У прыватнасці, тое, што айчынная адукацыя — гэта залог нашага суверэнітэту: і тэхналагічнага, і інфармацыйнага. Яго канкурэнтаздольнасць з’яўляецца залогам будучыні нашай краіны.

Важнае вызначэнне: настаўнік — гэта чалавек Прэзідэнта. Але не ў сэнсе заступніцтва Кіраўніка дзяржавы за педагогаў. Настаўнікі на ўзроўні зносін з вучнямі, з сем’ямі з’яўляюцца праваднікамі дзяржаўнай палітыкі як у частцы ідэалогіі беларускай дзяржавы, так і ў частцы правядзення любых дзяржаўных ідэй: навядзення парадку на зямлі, абароны дзяцей у сацыяльна небяспечных сем’ях, сацыяльных гарантый. Для педагогаў немалаважным было пачуць, што рэфармаванне сістэмы адукацыі завершана. У бліжэйшай будучыні яна павінна папрацаваць у сфарміраваным выглядзе.

Аксіёма: сфера адукацыі — гэта дзяржаваўтваральная галіна, і яна патрабуе сур’ёзных укладанняў. Кожны трэці рубель бюджэту вобласці накіроўваецца ў сістэму адукацыі. Гэта самыя маштабныя ўкладанні ў разрэзе сацыяльнай сферы. Сёлета на падрыхтоўку ўстаноў адукацыі да 1 верасня затрачана каля 20 млн рублёў. Гэта бягучы і капітальны рамонт, умацаванне матэрыяльна-тэхнічнай базы, набыццё новага абсталявання.

«Адкрыты мікрафон з Прэзідэнтам» у Віцебскім дзяржаўным універсітэце — яшчэ адно пацверджанне таго, што ўлада хоча ведаць праблемы моладзі і пачуць яе. Унікальным шансам задаць пытанне напрамую нашаму нацыянальнаму лідару скарысталіся дзясяткі студэнтаў. Размова атрымалася жывой і адкрытай.

Кіраўнік дзяржавы асабліва падкрэсліў: “Трэба перадаць моладзі краіну, якую будавала не адно пакаленне». А моладзь у сваю чаргу — прыняць і беражліва перадаць новым пакаленням. Важная ўмова — захаванне гістарычнай памяці і праўды. Таму ў нашым зменлівым, імклівым свеце, калі на планеце раз-пораз успыхваюць узброеныя канфлікты, важна сустракацца і размаўляць з моладдзю, вучыць паважаць сваё мінулае і шанаваць сучаснасць.

З гэтага навучальнага года ў кожнай установе адукацыі штомесяц будзе праходзіць інфармацыйная гадзіна, прысвечаная вывучэнню такой важнай для нас тэмы, як генацыд беларускага народа ў гады Вялікай Айчыннай вайны. Адпаведныя навучальныя дапаможнікі распрацаваны сумесна з Генеральнай пракуратурай для ўсіх навучэнцаў з 1-х да 11-х класаў. Дзесяцікласнікі ўжо з 1 верасня пачалі вывучаць новы навучальны прадмет «Гісторыя Беларусі ў кантэксце сусветнай гісторыі». Гэта не проста перапрацаваны навучальны дапаможнік. Фактычна гэта светапоглядная, ацэначная праца нашых гісторыкаў на тыя падзеі, якія адбываліся на тэрыторыі нашай краіны са старажытных часоў да сучаснасці.

Іна ЛЕЙКА